(Ռատիօ Վատիկան) 9-12 Դեկտեմբեր 2015-ին, Քահանայապետական պատմական գիտութեանց կոմիտէի կազմակերպութեամբ ու համագործակցութեամբ Լատերանեան համալսարանի Վատիկանեան Բ տիեզերական ժողովի ուսումնակեդրոնի, Վատիկանի մէջ տեղի կ՛ ունենայ ''Վատիկանեան Բ Տիեզերական ժողովը ու անոր դերակատարները դիւաններու լոյսին տակ'' նիւթին մասին Միջազգային գիտաժողով մը որուն բացումը կատարուեցաւ 9 Դեկտեմբերի երեկոյեան 4-ին Վատիկանի Սիւնհոդոսի նոր սրահին մէջ։
Գիտաժողովին կը մասնակցին կաթողիկէ եւ քոյր եկեղեցիներու ներկայացուցիչներ որոնք առիթ պիտի ունենան իրենց վկայութիւնն ու ապրումները ներկայացնելու, խօսելով Վատիկանեան Բ Տիեզերական Ժողովի ու անոր դերակատարներու մասին, արծարծելով զանազան դիւաններու մէջ պահուած փաստաթուղթեր եւ տեղեկութիւններ։
Գիտաժողովը կազմակերպուած է Վատիկանեան Տիեզերական Բ Ժողովի փակման 50 ամեակին առիթով։
All the contents on this site are copyrighted ©. |